അദ്ദിക്ർ

എല്ലാ ഓരോ ജനതക്കും ഒരു മാര്‍ഗദര്‍ശിയുമുണ്ട് എന്നാണ് ഇവിടെ പറഞ്ഞതെ ങ്കില്‍, എല്ലാ ഓരോ സമുദായത്തിനും ഒരു പ്രവാചകനുണ്ട് എന്ന് 10: 47 ല്‍ പറഞ്ഞിട്ടുണ്ട്. എല്ലാഓരോ ജനതക്കും ഒരു മാര്‍ഗദര്‍ശിയുമുണ്ട് എന്ന് പറഞ്ഞത് ഇന്ന് സന്മാര്‍ഗമായ അദ്ദിക്ര്‍ ലോകര്‍ക്ക് എത്തിച്ചുകൊടുക്കുന്ന വിശ്വാസികളെക്കുറിച്ചാണ്. 35: 24 ല്‍, എല്ലാ ഓരോ സമുദായത്തിനും ഒരു മുന്നറിയിപ്പുകാരന്‍ കടന്നുപോകാതിരുന്നിട്ടില്ല എന്നും; 26: 208-209 ല്‍, നാം നാടുകളില്‍ നിന്ന് ഒന്നിനെയും അതിന് ഒരു മുന്നറിയിപ്പുകാരന്‍ ഉണ്ടായിട്ടല്ലാതെ നശിപ്പിച്ചിട്ടില്ല; ഓര്‍മ്മിക്കുക, നാം അക്രമം ചെയ്യുന്നവനായിരുന്നില്ല എന്നും പറഞ്ഞിട്ടുണ്ട്. നാം ഒരു പ്രവാചകനെ നിയോഗിക്കുന്നതുവരെ ശിക്ഷിക്കുന്നവനാവുകയില്ലതന്നെ എന്ന് 17: 15 ല്‍ പറഞ്ഞിട്ടുണ്ട്. 39: 69 ല്‍, അവരവരുടെ കര്‍മ്മരേഖ ഹാജരാക്കി, നബിമാരെയും സാക്ഷികളെയും കൊണ്ടുവരികയും സത്യമായ അദ്ദിക്ര്‍ കൊണ്ട് അവര്‍ക്കിടയില്‍ വിധികല്‍പിക്കുകയും ചെയ്യുന്നതാണ് എന്ന് പറഞ്ഞതിലെ 'സാക്ഷികള്‍' അതാത് ജനതക്കുള്ള മാര്‍ഗദര്‍ശികളാണ്. പ്രവാചകന്‍ മുഹമ്മദ് മൊത്തം സമുദായത്തിന് അനുകൂലമായിട്ടാണ് പ്രാര്‍ത്ഥിച്ചതെങ്കില്‍ ജനതക്ക് എതിരായിട്ടാണ് 25: 30 ല്‍ പറഞ്ഞ പ്രകാരം അദ്ദിക്ര്‍ കൊണ്ടുവന്ന് എന്‍റെ നാഥാ, എന്‍റെ ഈ ജനത ഈ വായനയില്‍നിന്ന് അകന്നുപോയതാണ് ഇവര്‍ക്ക് വന്ന ദുര്‍ഗതി എന്ന് അന്യായം ബോ ധിപ്പിക്കുക. അദ്ദിക്റിനെ മൂടിവെക്കുകയും തള്ളിപ്പറയുകയും ചെയ്ത് യഥാര്‍ത്ഥ കാ ഫിറുകളായിത്തീര്‍ന്ന ഫുജ്ജാറുകള്‍ ഖുര്‍ആന്‍ ഏറ്റവും വലിയ ദൃഷ്ടാന്തം ആണെന്ന് ബാഹ്യമായി പറയുന്നവരും വാദിക്കുന്നവരുമാണെങ്കിലും കപടവിശ്വാസികളായ അവര്‍ക്ക് അത് മാലിന്യത്തിനുമേല്‍ മാലിന്യമല്ലാതെ വര്‍ദ്ധിപ്പിക്കുകയില്ല എന്ന് 9: 125 ല്‍ പറഞ്ഞ ത് ഇന്ന് ലോകത്തെല്ലായിടത്തും സത്യമായി പുലര്‍ന്നിരിക്കുകയാണ്. 6: 89; 9: 28; 12: 106; 48: 6 വിശദീകരണം നോക്കുക.